بعض المرات ملي كتنوض من النعاس الجسم ديالك كيكون عيان و بحالا بايت فالعصا ، وبعض المرات كتنعس ساعات و ساعات و كتنوض بحالا منعستيش !
-هاد البوسط يقدر يغير النمط دحياتك .
كمل تال اللخر و غتلقا مفاجأة :p 
النوم كيتكون من دورات متتالية وحدة مور وحدة . كل دورة كتكون من 3 مراحل : اول مرحلة سميتها:
1- النوم الخفيف : هادي كتبقا من 15- 20 دقيقة بعد ما كتحط راسك عل الوسادة .
هادي أجمل مرحلة ممكن تنوض فيها داكشي لاش ملي كتغمض عينيك ديك 10 دقايق كتنوض فايق مزيان .
– 
2- النوم العميق : هادي من 30-45 دقيقة بعد النوم الخفيف وهادي أخيب مرحلة ممكن تنوض فيها داكشي لاش لا نعستي 14 ساعة ونضتي فهاد المرحلة غاتنوض مدهشر وعيان و كاره أي حاجة .

3- النوم بحركة العين السريعة : هادي بعد النوم بـ70 دقيقة تقريباً و هي اللي كنحلمو فيها . وهادي مرحلة زوينة بزاف لا نضتي فيها غاتحس براسك شي حاجة ، ناشط وفرحان .
و بعد ما الدورة اللولة كتكمل و كتبدا التانية و هاكا غادا .

شبغيتي تقول لينا من بعد هادشي كامل ؟ بغيت نقوليك : خاصك تضبط النوم ديالك بش تنوض فالمرحلة 1 ولا 3 ومتنوضش فـ 2 ، مي كيفاش غاندير ؟ هاهو الكادو دالبوسط ^_^ 
هاد الموقع تحفة http://sleepyti.me
تقدر تدّخل ليه وقت النوم ديالك و غايقولك أحسن وقت تنوض فيه ، ولا الوقت لي باغي تنوض ، يعطيك أفضل وقت تنعس فيه . 
كاين تطبيق اندرويد سميتو SLEEP AS ANDROID ولكن ماشي مجاني ، تلقاه فابور فمتجر Mobogenie

ديرو بالكم من جوج حوايج 
اولا : وقت النوم والوقت لي باغي تنوض فيه فالموقع عندك تخلط بيناتهم

ثانياً : 14 دقيقة متوسط الشخص بعد ما كيحط راسو عل الوسادة تا كينعس ، خودوها بعين الاعتبار

Share this article

Facebook Comments

Post a comment