بعض الاساطير الطبية اللي تربينا عليها و اتضح من بعد انه لا اساس لها من الصحة :

1- القراءة فالضوء الخافت و الضعيف كيضعف البصر
الحقيقة :
كاينة آلية منظمة بزاف فالعين سميتها التكيف Accommodation كتتحكم فقوة الابصار حسب الضوء لي كيدخل للعين .
سوو واخا مع الضوء الضعيف عينيك غيتكيفوا تماماً معاه وعمرو ماغيأدي لإضعاف البصر ديالك كيما كيتقال .

2- ملي كنرعفو كنميلو راسنا اللور وكنسدو الفتحة دالنيف 
الحقيقة :
هادشي خطييير بزاف كيأدي لابتلاع الدم وماشي بعيد يقدر يتجلط الدم فالنيف مستقبلاً اللي غيسبب مشاكل كتيرة .
افضل طريقة هي نميلو راسنا للقدام شوية فمستوى الصدر و نضغطو بقوة على العظمات اللي فالنيف بش يوقف .

3- ” ايلا طرطقتي صباعك راه غتصاب بالتهاب المفاصل و غايمشي داك الزيت اللي فيهم ” 
الحقيقة :
هادشي معندو تا شي علاقة سوى قريبة ولا بعيدة بالتهاب المفاصل . واحد من الباحثين فهاد المجال طرطق صباع يدو الليسرية لمدة طويلة ، من بعد قارنها بالليمنية ومالقى تا شي فرق بيناتهم .

Facebook Comments

Post a comment