sample-ad

باش تعرف اش واقع : مكاينش النعاس تا يتحقق الحلم 💜

غدا مع الصباح غيكون التصويت على الملف لي غيربح شرف تنظم كأس العالم 2026 ، التصويت غيكون من طرف شي 160 دولة . نتا فاش جالس دبا ، راه نايضة الحرب فروسيا من طرف الوفود و ممثلي الإتحادات ،التيلفونات و الدبلوماسية محركة على جهد باش كل ملف يجمع الاصوات ديالهم ،ماكاين نعاس.

لحد الآن امريكا عندها 28 صوت رسمي مقابل 21 صوت رسمي للمغرب ،باقين 130 دولة ماصىرحتش لمن غتصوت .
ادن المغرب و امريكا منودين الروينة كيتسابقو ، كل واحد كيحاول يقنع شي بلد يصوت ليه و يجرو عندو .

ماشي هنا المشكل ،

المشكل فالسعودية لي كتنظم عشاوات و زرود فروسيا ،كتعرض على الدول و كتقوليهم صوتو ضد المغرب وفعلا قنعت بزاف الدول الآسيوية و انقلبت ضدنا و مزال غادة فهاد الطريق و الأخطر من دالك هادشي كديرو علنيا و فخبار الرأي العام و بين سبورت و العالم كيهضر على وقاحة السعودية

كل المؤشرات و الصحافة الدولية كتأكد بلي الملف المغربي خسر حيت اليوم بزاف الدول تكاو عند امريكا و المغرب والو كلشي بدا يقلب وجهو عليه و هادشي بسباب مجهودات امريكا من جهة و مجهودات السعودية من جهة اخرى ولات كتجمع ليهم الاصوات .

دابا السؤال الدي يطرح نفسه علاش هادشي ، بغيتي تصوتي لأمريكا هانية لكن ماشي توقفي ضدنا و تخسري رزقك على الدول باش تصوت ضدنا !؟؟

Facebook Comments

Post a comment